أشواق للبركة جوانا
تشبعنا رضا وتفيض فينا
تغمرنا البركة وتملانا
أنهارها تفيض من حوالينا

وبروحك تثمر في حياتنا
وتبيِّن ثمر الروح فينا
وبنعطش لحياة البركة
ميت ضعف وأكتر تدينا

(أأمـر بالبركة في أيامنا
ارجع بمراحمك وأحيينا
إشراقة وجهك نستنى
ونتوب وتعالج أراضينا)2

عايزينك تيجي بسلطانك
تأمر لحياتنا بحرية
نثبت في الحق يحررنا
من كل خطية وعبودية

من كذب وباطل نقينا
وبروح الحق تنورنا
ارسل كلماتك واشفينا
اظهر في سلوكنا وغيرنا

(أأمـر بالبركة في أيامنا
ارجع بمراحمك وأحيينا
إشراقة وجهك نستنى
ونتوب وتعالج أراضينا)2

عايزينك تملك في حياتنا
وبقوة روحك عيش فينا
تسكن في القلب وتملانا
من غير ولا ركن يكون لينا

املك في القلب وعلمنا
نديلك راحتك في كياننا
نور أذهاننا وفهمنا
واتعامل مع بطء إيماننا

(أأمـر بالبركة في أيامنا
ارجع بمراحمك وأحيينا
إشراقة وجهك نستنى
ونتوب وتعالج أراضينا)2

نكرز بكلامك بجسارة
نزرع والمجد يكون لاسمك
وبقوة روحك بحرارة
نحصد ونفوس تعرف شخصك

قوينا فنعمل أعمالك
إدينا كمان أعظم منها
وحياتنا توافق أفكارك
وإيماننا يزيد ونتممها

(أأمـر بالبركة في أيامنا
ارجع بمراحمك وأحيينا
إشراقة وجهك نستنى
ونتوب وتعالج أراضينا)2